Barangay Official Logo


Sa kasaysayan, ang Barangay Tortugas ay sinasabing nag-iisa at natatanging isla sa buong bayan ng Balanga. Sa aerial view o tingin mula sa itaas, ito ay may hugis “pagong o turtle” at napaliligiran din ito ng malinis na tubig na noo’y pinamamahayan at naging pangitlogan ng mga pawikan. Sa ngayon, nabago na ang hugis ng lugar na ito ngunit nanatili pa rin sa damdamin ng marami ang orihinal na pinagmulan kung kaya’t dala-dala pa rin ang simbolo nito.

Ang turtle ay mabagal kumilos sa lupa ngunit kung ito ay nasa kanyang sariling tahanan, mabilis ang pagkilos at makakikitaan ng kasiglahan.

Yamang-tubig ang sumasakop dito na kung saan ay laging pinapangangarap na pangalagaan ito. Ang isda ay simbolo ng isang yamang dagat na pangunahing pinagkukunan ng kabuhayan ng mga tao.

Ang ibon ay simbolo ng kadakilaan mula sa ating Amang Lumikha na patuloy  na nag bibigay ng hindi maubos-ubos na biyaya at; Ang Sinag naman ay simbolo ng isang liwanag na nagbibigay tanglaw sa mga pangarap tungo sa masigla, maayos at maunlad na pamayanan.



Comments